澳門之行
首先今日係一個好唔夠訓既情況一早起身過左澳門準備，除左去左食野，連買手信既時間都冇。之後去左鮑思高球場睇左澳門對香港既埠際賽。好唔開心既係見到香港隊係領先1球情況下連失兩球，最後以2:1輸左呢場比賽。而係球場除左見到今日既主角Rui Nibra之外，仲見到Rui 係賓菲加既守門員教練Romy。Romy同我講佢之前係甲組球會公民既守門員教練，亦都當時門將謝德謙合作過。係對話過程中大家都有一個好强烈既共識係一個好既守門員教練唔係要將球員變成一個機械人。而係要令到球員明白每個訓練背後既目的，令到球員係比賽上更能發揮技術。其後與Rui 簽署首份贊助合約。之後我一位澳門朋友去左工人球場考察，當中講左好多關於澳門足球既事比我聽。原來賭場咁多既澳門足球場既比例係十分之少，只有3個11人場，4個7人場及2個室內足球場。而每隊足球隊可用既場地同練波時間係少之又少。幾十隊球隊為爭幾個場練波。對於一水之隔既香港每區都有球場真係已經好好。因為人地想練都未必有場，我地有場都未必有人練。亦非常好值得大家去反思下。
最後由於手痕，結果係澳門既球場帶住對Elite Aspire Protec Hybird 挑人地機，黎個香港 vs 澳門既矛盾對決，玩得不知幾開心。
一路坐船返香港，一路係度打呢篇文。回味緊今日發生既一切。期待將來真係有機會係澳門比賽。
Macau! I will be back!
Search